पाेखरा । नेवाः मिसा पुच कास्कीको आयोजनामा शनिबार पाेखराकाे नयाँबजारमा ‘योमरी’ प्रतियोगिता हुने भएको छ । प्रतियाेगिता संयोजक संगिता ब्रजाचार्यले नयाँ पुस्तालाई योमरीबारे जानकारी गराउन र नेवारी संस्कृति जोगाउन प्रतियाेगिता आयोजना गरिएको जानकारी दिईन् ।
योमरी प्रतियोगिताले नेवारी संस्कृतिको संरक्षण गर्ने उनको भनाई छ। ‘पछिल्लो समय योमरीको स्वादमा भिन्नता पाउँछौं ’, उनले भनिन्, ‘पहिलेको जस्तो नेवारी स्वाद आउँदैन, आजभोलि योमरीको स्वादमा बजारी स्वाद मिसिन थालेको छ ।’
याे प्रतियोगिताले समुदायबिच आत्मियता बढाउने नेवा मिसा पुच कास्कीकी अध्यक्ष मेनुका श्रेष्ठले बताईन् । ‘अहिलेको महामारीको समयमा एक खालकाे आत्मियता पनि बढ्छ सुरक्षा अपनाएर कार्यक्रम गर्दै छौं,’ उनले भनिन्,‘ युवा समुदायमा पनि योमरीबारे जानकारी हुन्छ ।’
प्रतियोगितामा प्रथम, द्वितीय र तृतिय हुनेले क्रमश: २ हजार ५ सय, २ हजार र १ हजार रुपैयाँ साथै उत्कृष्ट हुनेले ५ सय रुपैयाँ नगद पुरस्कार प्राप्त गर्ने अायाेजकले जनाएकाे छ ।
प्रतियोगितामा पोखरा महानगरपालिकाका ३३ वडाका मिसा पुच सहभागि हुँदैछन् ।
