पाेखरा । भारतिय सेनामा भर्ति हुन चाहने नेपाली महिलाहरुका लागि पनि भर्ति खुलेकाे छ । हालै भारतीय सेनाले आफ्नो वेभसाईट मार्फत महिला मिलिटरी पुलिस पदका लागि नेपाली महिलाहरुलाई समेत भर्ना लिने जानकारी गराएकाे हाे ।
उक्त पदका लागि एक सय जना महिलाकाे आवेदन माग भएकाे छ । जसमा नेपाली महिलाले समेत अावेदन दिन सक्नेछन् । तर कति संख्यामा नेपाली महिलालाई भर्ति लिईने भन्ने सुचनामा खुलाईएकाे छैन् ।
भर्ति हुन चाहने महिलाहरुले भारती सेनाको वेबसाइट joinindianarmy.nic.in मा गएर अनलाईन आवेदन दिन सक्नेछन् । अावेदन दिने अन्तिम म्याद आगामी जुलाई २० तारिखसम्म रहेकाे छ ।
भारतीय आर्मीले पहिलो पटक नेपाली महिलाहरुलाई पनि आर्मीमा भर्ति गर्ने भएको हाे ।
आवेदन दिनेको उमेर १७ वर्ष पूरा भई २१ वर्ष ननाघेको हुनुपर्नेछ । सन् २००० देखि २००४ सम्म जन्मिएको हुनुपर्ने उल्लेख छ । शहीद परिवारका सदस्यबाट भने ३० वर्षसम्मकाले आवेदन दिन पाउनेछन् ।
कक्षा १० पास गरेको र प्रत्येक विषयमा ३३ प्रतिशत मार्क्स र जम्मा ४५ प्रतिशत ल्याएको हुनुपर्ने योग्यता तोकिएको छ ।
शारीरिकको हकमा १६ सय मिटर दौड, ८ मिनेट लङजम्प, १० फिट हाइजम्प आवश्यक पर्ने उल्लेख छ ।
यी सबै प्रक्रिया पुरा गर्नुअघि सबैको प्रवेश परीक्षाका रुपमा लिखित परीक्षा लिइने जानकारी दिइएको छ । अविवाहितको प्रमाणपत्र पनि पेस गर्नुपर्ने बताइएको छ ।
भारतको अम्बाला, जबलपुर, बेल्गाम, पुने, लखनाउ, शिलोङबाट भर्ना खुल्ने र अनलाईनबाट प्राप्त हुने प्रवेश कार्डमा छनोटको मिति र स्थान जानकारी गराइने बताईएको छ ।
