काठमाडौं । सोमबार देशभर जेनजी प्रदर्शनको क्रममा मृत्यु हुनेको संख्या १९ पुगेको छ। स्वास्थ्य तथा जनसंख्या मन्त्रालयले विभिन्न अस्पतालबाट प्राप्त विवरणअनुसार यो संख्या पुष्टि गरेको छ।
त्यसैगरी, देशभरका विभिन्न अस्पतालमा ३ सय ४७ जना घाइते उपचाररत छन्।
अस्पताल अनुसार मृत्यु संख्या काठमाण्डाैं सिभिल अस्पतालमा ३, राष्ट्रिय ट्रमा सेन्टरमा ८, एभरेष्ट अस्पतालमा ३, केएमसी अस्पतालमा २, त्रिवि शिक्षण अस्पतालमा १, र विपि कोइराला स्वास्थ्य विज्ञान प्रतिष्ठानमा २ जना छन् ।
स्वास्थ्य मन्त्रालयले घाइते र मृतकको तथ्यांक नियमित रुपमा संकलन गरिरहेको बताएको छ।
