पाेखरा । अभद्र व्यवहार मुद्दामा फरार प्रतिवादी जीवन तामाङलाई कास्की प्रहरीले पक्राउ गरेकाे छ ।
पाेखरा २९ भण्डारढिक बस्ने ३१ वर्षीय तामाङलाई प्रहरीले पाेखरा ६ हल्नचाेककाे एक रेष्टुरेण्टबाट शनिवार पक्राउ गरेकाे हाे ।
निजले गत वैशाख २८ गते पाेखरा २९ स्थित रहेको मालपोत कार्यालय अगाडी सार्वजनिक स्थलमा एकजना मानिसलाई डर धाक धम्की दिई गालिगलौज गरेको र हातपात समेत गरी जिउज्यानको सुरक्षामा असर पुग्ने किसिमले अभद्र व्यवहार गरेकाे आराेप छ ।
पक्राउ तामाङलाई सार्वजनिक हित स्वास्थ्य, सुरक्षा सुविधा तथा नैतिकता विरुद्धको कसूर (अभद्र व्यवहार) सम्वन्धी मुद्दामा अनुसन्धान प्रकृया अगाडी बढाईएको कास्की प्रहरीले जनाएकाे छ ।
