पाेखरा । लुम्बिनी प्रदेशका उद्योग, पर्यटन तथा यातायात मन्त्री प्रचण्ड विक्रम न्यौपाने, स्वकीय सचिव, निजी सचिव लगायतकाे टिमलाई ट्रेकिङ्ग एजेन्सिज एशाेसियशन अफ नेपाल (टान) गण्डकीले कार्यालयमा स्वागत गरेकाे छ ।
स्वागतपछि भएकाे कुराकानीमा लुम्विनी प्रदेशका पर्यटनमन्त्री न्याैपानेकाे टिम र टानका पदाधिकारीबिच पर्यटन प्रवर्द्वन र विकास गर्ने, शान्तिको राजधानी लुम्विनीलाई गण्डकी प्रदेशमा जोडी विदेशी पर्यटनहरुको बसाई लम्बाउने, पोखरादेखि बर्दियासम्म बसको असुविधा भएकोले पर्यटक बस राख्न र फ्लाइटको सेवा सुविधा बढाउने विषयमा छलफल भएकाे थियाे ।
यसैगरि पदमार्गमा वृद्धि गराउन लुम्बिनी प्रदेशको गण्डकी प्रदेशका लोप भएका पदमार्गहरू खोजी गर्ने, लुम्विनी प्रदेश, गण्डकी प्रदेश र स्थानीय भएर पदमार्गहरु कार्यान्वयन गर्न नयाँ कार्यक्रमहरु अभिवृद्धि गर्ने लगायतका विषयमा पनि छलफल गरिएकाे टान गण्डकीका अध्यक्ष कृष्णप्रसाद आचार्यले जानकारी दिए ।
