पाेखरा । होमवर्क नगरेको र अक्षर नराम्रो भएको भनी विद्यार्थीलाई कुटपिट गर्ने शिक्षकलाई प्रहरीले आइतवार पक्राउ गरेकाे छ । पक्राउ पर्नेमा पाेखरा ३२ मा रहेकाे युनिभर्स ईङ्लिस बोर्डिङ स्कुलका शिक्षक कास्की जिल्ला रुपा गाउँपालिका वडा नं. ६ खोलाको छेउ बस्ने वर्ष ३२ का सुदिप अधिकारी हुन् ।
उनले गत १३ गते साेहि विद्यालयमा कक्षा ५ मा अध्ययनरत ९ वर्षका बालकलाई होमवर्क नगरेको र अक्षर नराम्रो भएको भनी बालकको संवेदनशिल भाग (पछाडी) लठ्ठीले प्रहार गरी घाईते बनाएको आराेपमा छ ।
पक्राउ परेका शिक्षकलाई जिल्ला अदालत कास्कीबाट बालबालिका सम्बन्धी ऐन २०७५ को दफा ६६ अन्तर्गतको कसुरमा दिन पाँच (५) म्याद थप गरी अनुसन्धान प्रकृया अगाडी बढाईएको प्रहरीले जनाएकाे छ ।
उक्त कसूरमा १ वर्ष सम्म कैद र रु.५० हजार जरिवाना हुने कानूनी व्यवस्था रहेको छ ।
