तारा पाैडेल/मनाङ । गण्डकी प्रदेशका सांसद राजिव गुरुङ ( दिपक मनाङे) काे पहलमा ङिस्याङ ४, हुम्दे मनाङमा जारी नि:शुल्क स्वास्थ्य शिविरमा नाै सय जनाकाे स्वास्थ्य परिक्षण गरिएकाे छ ।
शुक्रवारदेखि संचालित शिविरमा शुक्रवार र शनिवार गरि ९ सय जनाकाे स्वास्थ्य परिक्षण गरिएकाे हाे ।
पाेखरामा कार्यालय रहेकाे कादुरी एग्रिकल्चरल एशोशियसन व्रिटिस गाेर्खाज नेपाल र ठमेल टुरिजम बोर्डकी वरिष्ठ उपाध्यक्ष गिता गुरुङको विशेष सहयोगमा संचालित नि:शुल्क शिविर साेमवारसम्म जारी रहनेछ ।
डाक्टर र नर्स गरि २५ जनाले स्वास्थ्य सेवा दिईरहेकाे उक्त शिविरमा नाक, कान, घांटी,आँखा लगायत सुत्केरी, प्रेसर र सुगरका झण्डै ३ हजार जनाकाे नि:शुल्क स्वास्थ्य परिक्षण गरिने लक्ष्य रहेको सांसद मनाङेका निजि सचिव रोनित गुरुङले सिटिपाेखरा डट कमलाई जानकारी गराएका छन्।
उनका अनुसार विहान ८ वजेदेखि अपराह्न साढे चार वजेसम्म संचालन हुने शिविरमा स्वास्थ्य परिक्षण मात्र नभएर विरामीकाे स्वास्थ्य अवस्थाअनुसार नि:शुल्क रुपमा अाैषधी वितरण तथा अप्रेशन लगायतका उपचार पनि भइरहेकाे छ ।
शिविरकाे पहल गरेका सांसद मनाङेले तिन महिना अगाडी गरेकाे वाचा आफुले पुरा गरेकाे बताए । उनले भने:-“मैले सरकारलाई मात्र दोष लगाएर हुदैन कतिपय काम आफै पनि गर्नुपर्छ र डाक्टर नर्स म मनाङ आफै पठाउँछु भनेको भएर यस पटक लिएर आएको हुँ ।”
पछिल्लो समयमा विभिन्न सामाजिक कार्यमा सकृय रुपमा लागेका सांसद मनाङेको यस महान कार्यले पनि उनकाे निर्वाचन क्षेत्र मनाङ ´ख`का स्थानियकाे वाहिवाहि पाएका छन् ।