पाेखरा ।
पोखरा १३ मा रहेकाे अन्नपूर्ण टोल विकास संस्थाको तेस्रो साधारण सभा तथा आमा समूह गठन भएको छ ।
सभाका प्रमुख अतिथि पाेखरा १३ मा वडा अध्यक्ष किरण बरालले संस्थाले गरेका गतिविधिको प्रंशसा गर्दै टोलले भोग्नु परेको बाढीको समस्याबारे आफू जानकार रहेको र छिट्टै नै समस्याको समाधान गर्ने प्रतिबद्धता समेत व्यक्त गरे ।
उनले आगामी दिनमा वडाबाट हुनुपर्ने सहयोगको लागि आफु सधै तत्पर रहको बताए ।
साधारण सभाको अवसरमा टोलका १३३ जेष्ठ नागरिकलाई सम्मान गरिएकाे थियाे । साथै आजीवन सदस्यहरुलाई सदस्यता प्रमाणपत्र प्रदान तथा आमा समूह समेत गठन गरिएको थियो ।
कार्यक्रममा संस्थाका अध्यक्ष पुर्ण बहादुर गुरुङले अहिले भईराखेका कार्यहरु र भावी योजाना तथा कार्यक्रम बारेमा जानकारी गराएका थिए ।
टोल विकास संस्थाकी कोषाध्यक्ष रिना गुरुङले आर्थिक वर्ष ०८०/८१ को वार्षिक लेखा प्रतिवेदन पेश गरिन् ।
कार्यक्रममा पोखरा १३ वडा सदस्य सुचिता तामाङ, सस्थाका सल्लाहकारहरु, हैकमधोज घले, बलिबहादुर गुरुङ, गम बहादुर, अशोक गुरुङ लगायत र उपाध्यक्ष बाबुराम सापकोटाले शुभकामना मन्तव्य राखेका थिए भने सचिव सन्तोष गुरुङले कार्यक्रम सन्चालन गरेका थिए ।
