पोखरा । ठगी कसूरमा पक्राउ पुर्जी जारी भएका जितेन्द्र थापा पक्राउ परेका छन्। बाँकेको नेपालगञ्ज उपमहानगरपालिका–१ निवासी थापा ईन्द्रेणी बचत तथा ऋण सहकारी संस्थाका अध्यक्ष हुन्।
उनीविरुद्ध बाँके जिल्ला अदालतबाट पक्राउ पुर्जी जारी भएको थियो।
जिल्ला प्रहरी कार्यालय कास्कीको टोलीले उनलाई पोखरा–८, सृजनाचोकबाट पक्राउ गरेको हो।
पक्राउपछि थप अनुसन्धान र कारबाहीका लागि उनलाई जिल्ला प्रहरी कार्यालय बाँके पठाइएको जिल्ला प्रहरी कार्यालय कास्कीका प्रहरी नायव उपरीक्षक बिरेन्द्र कुमार पासवानले जानकारी दिए ।
