लकडाउन १५ दिन थप्ने तयारी, खुकुलो नहुने संकेत

सरकारले कोरोना भाइरस संक्रमणको जोखिम उच्च रहेको भन्दै १५ दिन लकडाउन थप्ने तयारी गरेको छ ।

मन्त्रिपरिषदको आइतबार बसेको बैठकमा नेपालमा कोरोना संक्रमित बढ्दै गएको र छिमेकी मुलुक भारतमा पनि संक्रमण दर बढिरहेकाले जोखिम कायमै हुँदा लकडाउन थप १५ दिन बढाउनु पर्ने विषयमा छलफल भएको हो ।

भारतले लकडाउनलाई निरन्तरता दिइरहेका बेला खुला सीमा भएको नेपालमा लकडाउन हटाउँदा स्थिति जुनसुकै बेला पनि भयावह हुनसक्ने भन्दै जेठ १० सम्म बढाउने सहमति भएको स्रोतले जनाएको छ ।