गणेश रामदाम/पाेखरा । पोखरा महानगरपालिका वडा नं.५ को एकलधारा मार्गमा सडक बाटोको फराकिलो तथा स्तरोन्नति गर्न सुरु भएको छ ।
एक सय नौ घर उपभोक्त समितिको सहमतिमा ५ सय २५ मिटर लम्वाईको बाटो स्तरोन्नति हुन लागेको हो ।
आज सडक छेउछाउ २२ फिटमा पर्ने पर्खाल भत्काइ काम को सुरुवात गरेको वडा अध्यक्ष विष्णु बरालले बताए ।
सिमाङ्कन भएको बाटोको न्यूनतम २२ फिट चौडाइ नघटाई अहिले भएको बाटोको दुवै तर्फ कम्तीमा नालीदेखि दुइ दुई फिट जग्गा छोडी वाटो बढाउने र पिच गर्ने लागेको बाटो निर्माण समितिका अध्यक्ष लक्ष्मण बरालले जानकारी दिए ।
यस्तै बरालका अनुसार विजुलीको पोल सार्ने सम्बन्धी विद्युत कार्यालयसँग समन्वय, दुरसञ्चार कार्यालयसंग टेलिफोन तारलाई स्थान्तरण गर्नको लागि समन्वय गर्न र खानेपानी संस्थानसंग समन्वय गर्नको लागि समितिका विभिन्न पदाधिकारीहरुलाई जिम्मेवारी दिएको थियो । जस अनुसार सडक कालोपत्रे हुने गरी अघि बढेको छ ।
पोखरा महानगरपालिकाले यस वर्षका लागि विनियोजन गरेको चालीस लाख मध्ये त्यस अन्तरगत रहेर ३ सय मिटर सडक विस्तार तथा स्तरोन्नति गर्न लागेको समितिले जनाएको छ ।
