पाेखरा ।
पोखराको न्युरोडमा माइक्रो बसले ठक्कर दिँदा स्कुटर चालक गम्भिर घाइते भएका छन् । घाइते भएको पोखरा ८ का ४८ बर्षीय स्कुटर चालक सुरज थकालीको अवस्था गम्भिर रहेको जिल्ला ट्राफिक प्रहरी कार्यालय कास्कीले जानकारी दिएको छ ।
जिल्ला ट्राफिक प्रहरी कार्यालय कास्कीका प्रवक्ता वरिष्ठ प्रहरी नायव निरीक्षक शिवप्रसाद पाठकले घाइते थकालीलाई मणिपाल शिक्षण अस्पताल लगिएको जानकारी दिए ।
उनका अनुसार साँझ ४ : १० बजे पोखराको चिप्लेढुंगा स्थित वीपी चोकबाट सभागृह तर्फ जाँदै गरेको ग १ ज ४५४० नम्बरको माइक्रो बसले सभागृह तर्फ नै जाँदै गरेको ग ५ प ९४ नम्बरको स्कुटरलाई ठक्कर दिएको हो ।
ठक्कर दिने बस र चालकलाई नियन्त्रणमा लिाइएको उनले बताए ।
