पाेखरा । पोखरामा कारले स्कुटरलाई ठक्कर दिँदा दुई किशोरीको मृत्यु भएकाे छ।
आईतबार दिउँसो पोखरा २६, सुन्दरीबजार क्षेत्रको पृथ्वीराजमार्ग खण्डमा बीएए ००४१ नम्बरको कारले विपरीत दिशाबाट आउँदै गरेको ग १३ प ३५७८ नम्बरको स्कुटरलाई ठक्कर दिँदा घाइते भएका स्कुटरमा सवार किशोरीहरूकाे उपचारको क्रममा मृत्यु भएको प्रहरीले जनाएको छ।
मृत्यु हुनेमा पोखरां २५ हेम्जा बस्ने २३ वर्षीय अनिशा खड्का र पोखरा ५ जिरो बस्ने २४ वर्षीय भावना बराल रहेका छन्।
घाइतेलाई पश्चिमाञ्चल क्षेत्रीय अस्पताल लगिएको थियो । चिकित्सकले अनिशालाई ४ बजेर ३९ मिनेटमा मृत घोषणा गरेका हुन् । भावनालाई पोखराकै चरक मेमोरियल अस्पताल रिफर गरिएकोमा उनको साँझ ७ बजेर १५ मिनेटमा उपचार क्रममा मृत्यु भएको जिल्ला प्रहरी कार्यालय कास्कीले जनाएको छ ।
ठक्कर दिने कार चालकलाई इलाका प्रहरी कार्यालय शिशुवाले नियन्त्रणमा लिएको प्रहरीले जनाएको छ ।
