
पोखरा । पोखरा महानगरपालिका वडा नं. ८ स्थित सिर्जनाचोकमा रहेको साईमन पार्टी प्यालेसको कार्यालयबाट नगद रु. १४,७४,००० (चौध लाख चौहत्तर हजार) चोरी गर्ने दुई जनालाई प्रहरी पक्राउ गरि सार्वजनिक गरकाे छ ।
पक्राउ पर्नेमा रुपन्देही देवदह नगरपालिका १० निवासी २२ वर्षीय ईश्वर श्रेष्ठ र स्याङ्जा भिरकोट नगरपालिका ३ निवासी २९ वर्षीया पुजा श्रेष्ठ छन् ।
उनीहरूबाट प्रहरीले नगद रु. १२,५२,५८० (बाह्र लाख बाउन्न हजार पाँच सय असी) र तीन थान मोबाइल फोन बरामद गरेकाे छ ।
बुटवल उपमहानगरपालिका वडा नं. ११ कालिका नगरको एक होटलमा लुकेर बसेका उनीहरूलाई पक्राउ गरेको हो।
कास्की जिल्ला अदालतले चोरी र डाँका सम्बन्धी मुद्दामा ६ दिनको म्याद थप गरी अनुसन्धान अघि बढाएको प्रहरीले जनाएको छ।
माघ ११ गते शनिवार पैसा चाेरी भएकाे घटना थाहा पाएपछि वडा प्रहरी कार्यालय बैदाम कास्कीको टोलीले लुटेराहरुकाे खाेजी गरेकाे थियाे ।