काठमाडौं । नेपाल नागरिक उड्डयन प्राधिकरण का अनुसार काठमाडौंमा अवतरण गर्ने क्रममा Turkish Airlines को विमानमा आगलागी भएको छ ।
दमकलको सहयोगमा आगो नियन्त्रणमा लिइएको छ ।
क्यानका सूचना अधिकारी ज्ञानेन्द्र भुलका अनुसार विमानमा रहेका सबै यात्रु सुरक्षित छन् ।
इमर्जेन्सी ढोका खोलेर यात्रुको उद्धार गरिएको थियो । उक्त विमानमा चार बालबालिकासहित २७७ यात्रु सवार थिए ।
आगलागीपछि उद्धारका क्रममा केही यात्रु सामान्य घाइते भएका छन् । विमानमा केही शव तथा यात्रुका सामानसमेत रहेको बताइएको छ ।
इस्तानबुलबाट काठमाडौं आएको TK726 उडान आज बिहान करिब पौने ७ बजे अवतरणका क्रममा चक्कामा आगो लागेको थियो ।
विमान धावनमार्गमै रोकिएकाले हाल अन्तर्राष्ट्रिय उडान प्रभावित भएका छन् । ठूला अन्तर्राष्ट्रिय जहाजहरूको नियमित उडान तालिकासमेत अवरुद्ध भएको बताइएको छ ।
