पोखरा ।
कास्की प्रहरीले लागूऔषध खैरो हेरोइनसहित एक जनालाई पक्राउ गरेको छ।
जिल्ला प्रहरी कार्यालय कास्कीका अनुसार पोखरा महानगरपालिका–२६, बुढीबजारस्थित लागूऔषध ओसारपसार भइरहेको भन्ने सूचनाका आधारमा इलाका प्रहरी कार्यालय शिशुवाबाट खटिएको प्रहरी टोलीले उनलाई पक्राउ गरेको हो।
पक्राउ पर्नेमा तनहुँको व्यास नगरपालिका–२, जामुने बस्ने ३० वर्षीय पदम थापा रहेका छन्। उनलाई खानतलासी गर्दा साथबाट लागूऔषध खैरो हेरोइनजस्तो देखिने पदार्थ १.६४ ग्राम (प्लास्टिक बाहेक) बरामद भएको प्रहरीले जनाएको छ।
थापालाई नियन्त्रणमा लिई सम्मानित कास्की जिल्ला अदालतबाट लागूऔषधसम्बन्धी कसुरमा सात दिनको म्याद थप गरी अनुसन्धान प्रक्रिया अघि बढाइएको जिल्ला प्रहरी कार्यालय कास्कीले जनाएको छ।
