नवौ राष्ट्रिय खेलकुदको आर्थिक व्यस्थापनमा स्थानिय सरकारले चिन्ता लिनु पर्देन : खेलकुद मन्त्री गहतराज

सुरज श्रेष्ठ/पोखरा । नवौ राष्ट्रिय खेलकुद प्रतियोगिता आयोजना हुन अब ५२ दिन मात्र बाँकी छ । ३६ खेल समावेश हुने गरि गण्डकी प्रदेशमा आयोजना हुन लागेको नवौ राष्ट्रिय खेलकुद प्रतियोगिताको लागि तालुक संघ र सो संग संबन्धित व्याक्तिहरुलाई चटारो छ ।

आइतबार पोखरा रंगशालामा माननीय युवा तथा खलकुद मन्त्री महेश्वरजंग गहतराज,गण्डकी प्रदेशका माननीय मुख्य मन्त्री कृष्णचन्द्र नेपाली पोखरेल,पोखरामहानगरपालिकाका मेयर धनराज आचार्यले नवौ राष्ट्रिय खेलकुद २०७९ कार्यकारी समिति सचिवालयको संयुत्त उद्धघाटन गरेका थिए ।

कार्यक्रममा मन्त्री गहतराजले नवौ राष्ट्रिय खेलकुद प्रतियोगिताको लागि गण्डकी प्रदेश सरकार र स्थानिय सरकारले आर्थिक व्यवस्थापनको विषयमा चिन्ता लिन नपर्ने बताए ।

“केन्द्र सरकारको मुख्य जिम्मेवारी भए पनि जहाँ खेल हुन्छ त्यही क्षेत्रले सकारात्मक सन्देश प्रवाह गर्ने महत्वपुर्ण भुमिका भएकोले गण्डकी प्रदेश र पोखरा महानगरपालिका नवौ राष्ट्रिय खेलकुद प्रतियोगिता सफल बनाउन लाग्नु पर्छ ।”उनले भने ।

नवौ राष्ट्रिय खेलकुद प्रतियोगिताका लागि पोखरा रंगशालामा स्थापना भएको सचिवालयबाट सम्पुर्ण गतिविधि हुने भएकोले मन्त्री गहतराजले हरेकदिन आउने सकारात्मक सुझावलाई आत्मासाथ गर्दे त्यसको कार्यान्यनको लागि केन्द्र सरकार,प्रदेश सरकार र स्थानिय सरकारलाई आवश्यक जानकारी र सुचित गराउन संघ र मातहतका कर्मचारीलाइ निर्देशन समेत दिएका छन ।

नवौ राष्ट्रिय खेलकुद प्रतियोगितामा मिडियाको रोल महत्वपुर्ण : मुख्यमन्त्री
नवौ राष्ट्रिय खेलकुद प्रतियोगिता २०७९ को आयोजक प्रदेश भएकोले यसलाई कुनै पनि हालतमा सफल बनाउने दायित्व हामी प्रदेशबासीको हो । यसमा गण्डकी प्रदेश सरकारले जिम्मेवारी पूर्वक काम गरिरहेको आइतबार सचिवालय उद्धघाटन कार्यक्रममा गण्डकी प्रदेशमा मुख्यमन्त्री कृष्णचन्द्र नेपाली पोखरेलले बताए ।
उनले गण्डकी प्रदेशमा आयोजना हुन गईरहेको राष्ट्रिय प्रतियोगितामा मिडियाको भुमिका महत्वपूर्ण भएको जानकारी दिदै नवौ राष्ट्रिय खेलकुद प्रतियोगिताको देश विदेशमा धेरै भन्दा धेरै प्रचारप्रसार गरि सहयोग गरिदिन मिडियालाई आग्रह गरेका छन ।

पोखरामहानगरपालिका ‘लोकल होस्ट’ हो :आर्चाय
पोखरामहानरपालिकाका मेयर धनराज आर्चायले असोज २८ गते देखि कार्तिक ३ गते सम्म आयोजना हुन गईरहेको नवौ राष्ट्रिय खेलकुद प्रतियोगिता २०७९ को पोखरामहानगरपालिका लोकल होस्ट भएकोले प्रतियोगिता सफल बनाउन कटिबद्ध भएर लाग्ने बताएका छन ।
पोखरालाई विभिन्न क्षेत्रबाट अन्तराष्ट्रिय क्षेत्रमा पु¥याउने लक्ष्य समेत राखेको समय राष्ट्रिय एकताको प्रतिक खेलकुदको कुम्भ मेला हाम्रै शहरमा आयोजना हुन लागेकोमा खुसी व्यक्त गरेका छन ।

कार्यक्रममा मेयर आर्चायले पोखरालाई पर्यटक शहरको रुपमा स्थापित गराउन नेपाल सरकारलाई औपचारिक पत्राचार समेत भई सकेको अवस्थामा त्यसलाई थप टेवा पुग्ने गरि आफ्नो शहरमा आयोजना हुन लागेको राष्ट्रिय खेलकुद प्रतियोगिताको लागि पोखरा आएका पाहुनालाई राम्रो हस्पिटालिटी दिने बताए ।

२०३८ सालबाट शुरु भएको राष्ट्रिय खेलकुद प्रतियोगिताको पहिलो संस्करण काठमाडौमा सम्पन्न भएको थियो । दोस्रो संस्करण २०४० सालमा पोखराले आयोजना गर्ने सु अवसर प्राप्त गरेको थियो ।
फेरि ३९ वर्ष पछि नवौ राष्ट्रिय खेलकुद प्रतियोगिता गण्डकी प्रदेशको राजधानी पोखरामा हुदैछ । असोज २८ देखि कार्तिक ३ गते सम्म आयोजना हुने खेलकुद प्रतियोगितामा एथलेटिक्स,ब्याडमिन्टन,टेबलटेनिस,क्रिकेट,फुटबल,टेनिस,हक्की,बक्सिङ,भलिवल,कबड्डी,भारत्तोलन,सुटिङ,जिम्नास्टीक,पौडी,ह्याण्डबल,जुडो,कुस्ती,सफ्ट टेनिस,स्क्वास,तेक्वान्दो,उसु,बास्केटबल,शाररिक सुगठन,बुद्धिचाल,खो–खो,कराँते,फुल कन्ट्याक्ट कराँते,आईटिएफ टेक्वान्दो,सेपाक्टाक्रो,गल्फ,आचरी,साईक्लिङफेन्सीङ,ट्राईथेलेन,प्याराग्लाईपिडङ र रग्बी ७ ए साईट खेल समावेश गरिएको छ ।