पोखरा ।
वैशाख ३० गते हुने स्थानिय तहको निर्वाचनका लागि पोखरा महानगरपालिका वडा नम्बर ४ का नेकपा एमालेका उमेदवारहरु यतिबेला घरदैलोमा व्यस्त छन् ।
वडाध्यक्षका उम्मेदवार मदन कुमार मुल्मी, सदस्यका उम्मेदवारहरु लक्ष्मी देवि पराजुली, सिमा कोइराला, अब्दुल हमिद र कमला सिकेसहितको टोलीले वडाको यतिमार्ग, भयरथान मार्ग र काेइराला विर्तामार्ग पराजुली मार्ग लगायत गैह्रापाटनकाे तलकाे भित्रि भाग वरपर घरदैलो गरेको कार्यक्रम गरेको छ ।
उक्त कार्यक्रममा मतदाताहरु बाट राम्रो प्रतिकृया पाइएको कुरा अध्यक्षका प्रत्यासि मुल्मीले बताए । उनले सामाजिक आर्थिक रुपान्तरण गर्नको लागि, सामुदायिक विद्यालयमा गुणस्तरीय शिक्षामा सुधार ल्याउनको लागि, वडाको फोहोरमैलाको उचित व्यवस्थापन गर्नको लागि, स्वच्छ खानेपानी, सफा बस्ती र राम्रो रहनसहनको लागि, निरोगी वडा स्वस्थ वडाबासी बनाउनको लागि, मौलिक कला र संस्कृतिको संरक्षण गरी पर्यटनमा वृद्धि गर्नको लागि, संस्थागत सुदृढीकरण र संस्थागत विकास गर्नको लागि आफ्नो टिम प्रतिबद्ध रहेको जानकारी दिए ।
घर दैलो गर्ने क्रममा अब वडालाई समृद्ध र विकासको पाटोमा लैजानका लागी सुर्यमा भोट हान्ले कुरा स्थानीय वडा वासीले बताए । पटक पटकको ताकेता गर्दा पनि अहिलेको स्थानीय वडा सरकारले बाटो निर्माणमा ध्यान नदिएको भन्दै बुढानिलकण्ठ मन्दिर वरपरका वासिन्दाले आक्रोश पोखेका थिए ।