दमौलीः तनहुँमा पछिल्लो २४ घण्टाको पीसीआर परीक्षण नतिजाले कोरोना संक्रमण दरमा ह्वात्तै ओरालो लागेको पाइएको छ । स्वास्थ्य निर्देशनालय गण्डकी प्रदेशले सार्वजनिक गरेको विवरणमा यस अवधिमा १७ जनामा मात्र संक्रमण भेटिएको छ ।
पछिल्लो २४ घण्टामा जिल्लाका ९६ जनाको पीसीआर परीक्षण भएको थियो ।
यस अघि शनिबार भने जिल्लाभर ६४ जनामा संक्रमण पाइएको थियो ।
तनहुँमा हाल सक्रिय संक्रमितको संख्या भने झण्डै एक हजारको हाराहारीमा पुगेको निर्देशनालयको रेकर्डले देखाएको छ ।
४ जनाको मृत्यु
पछिल्लो २४ घण्टाको विवरण अनुसार
तनहुँका तीन जनाले संक्रमणका कारण ज्यान गुमाएका छन् । यसरी ज्यान
गुमाउनेमध्ये व्यास २ का ४६ वर्षका पुरुषको फेवा सिटी अस्पताल पोखरामा
आईतबार निधन भएको निर्देशनालयले जनाएको छ ।
यसैगरी, आँबुखैरेनी २ की ४३ वर्षिया संक्रमितको शनिबार गण्डकी
मेडिकल कलेजमा, भिमाद ९ का ४८ वर्षका संक्रमितको शनिबार चरक मेमोरियल
अस्पताल तथा शुक्लागण्डकी ७ का ५६ वर्षिय संक्रमितको शनिबार गण्डकी मेडिकल
पोखरामा उपचारका क्रममा ज्यान गएको निर्देशनालयले जनाएको छ ।
