पाेखरा । जावलाखेल युथ क्लब आहारारा पोखरा गोल्डकप फुटबलको क्वार्टरफाइनल प्रवेश गरेको छ ।
विहीवार पोखरा रंगशालामा भएको खेलमा मछिन्द्रलाई १–० ले पराजित गर्दै जावलाखेल क्वार्टरफाइनलमा प्रवेश गरेकाे हाे ।
गोल रक्षकसँगै मछिन्द्रको कप्तानी सम्हालेका विशाल श्रेष्ठले ३८ औं मिनेटमा गरेको गल्तीले नै टिम पराजित हुन पुग्यो ।
उनी अगाडि बढेको अवस्थामा जावलाखेलका हिसुब थपलियाले बललाई खाली पोस्टमा आरामले गोल गर्दै टिमलाई अग्रता दिलाएका थिए ।
त्यही अग्रतालाई कायम गर्दै अन्ततः जावलाखेल २३ औं आहारारा पोखरा गोल्डकपको अन्तिम ८ मा प्रवेश भएको गरेको हो ।
जावलाखेल एक दशकपछि आहारारामा फर्किएको हाे ।
अब प्रिक्वार्टरफाइनल चौथो खेल भोलि विभागीय टिम एपीएफ र चर्चब्वाइजबीच हुनेछ ।