काठमाडौं । राष्ट्रिय सभा अध्यक्षमा सत्ता गठबन्धनका उम्मेदवार नारायण दाहाल निर्वाचित भएका छन् ।
मंगलबार भएको निर्वाचनमा ५६ जनाले मतदान गरेका थिए, जसमा दाहालको पक्षमा ३९ मत परेको छ । उनको विपक्षमा जम्मा १७ मत खसेको छ । दाहाललाई सत्तारुढ माओवादी केन्द्र, नेकपा एमाले, एकीकृत समाजवादी र जनता समाजवादी पार्टी (जसपा) का सांसदहरुले मत दिएका छन् ।
दाहालले मंगलबार नै सपथ र पदभार ग्रहण गरेका छन् । उनले राष्ट्रिय सभालाई ओजपूर्ण बनाउन प्रयास गर्ने प्रतिवद्धता जनाए ।
नयाँ संविधान जारी भएपछि २०७४ मा बनेको राष्ट्रिय सभामा गणेश तिमिल्सना अध्यक्ष निर्वाचित भएका थिए । ६ वर्ष राष्ट्रियसभाको अध्यक्ष बनेका तिमिल्सिनाकोे कार्यकाल २० फागुनमा सकियो ।
