पोखरा । राष्ट्रिय भूमिअधिकार मञ्च कास्कीले पोखरा गाइघाट निवासी एक विपन्न परिवारलाई आर्थिक सहयोग प्रदान गरेको छ। मञ्चले आइतबार, पोखरा महानगरपालिका वडा नं. ६, वैदाम स्थित सुर्य परियारको निवासमा पाँच हजार रुपैयाँ आर्थिक सहयोग गरेको हो।
सुर्य परियारको स्वर्गारोहणको तेश्रो पुण्यतिथिमा मञ्चले परिवारलाई थप सहयोग पुगोस् भन्ने उद्देश्यले यो रकम प्रदान गरेको कास्की जिल्ला मञ्चका अध्यक्ष प्रेमबहादुर गुरुङले जानकारी दिए। स्वर्गीय सुर्य परियार २४ वर्षका थिए र उनी भगवती दमन रनपालका ५ सन्तानमध्ये माहिला छोरा थिए।
सहयोग कार्यक्रममा मञ्चका केन्द्रीय सदस्य कन्या गुरुङ, गण्डकी प्रदेश अध्यक्ष रामबहादुर लामिछाने, कास्की जिल्ला अध्यक्ष प्रेमबहादुर गुरुङ लगायतका पदाधिकारीहरू सहभागी भएका थिए। कार्यक्रममा सबैले शोकसन्तप्त परिवारसँग समवेदना प्रकट गर्दै सहयोगको महत्त्वको बारेमा विचार व्यक्त गरे।
यस सहयोगले विपन्न परिवारलाई केही राहत पुग्ने अपेक्षा गरिएको छ।
