पोखरा।
४६ औं विश्व पर्यटन दिवसको अवसरमा होटल संघ पोखरा नेपालले शुक्रबार फेवा ताल किनारमा सरसफाई कार्यक्रम गरेको छ ।
संघ अन्तर्गतका पदाधिकारी, सदस्य र सल्लाहकारहरुले भाग लिएको कार्यक्रम बाराहीघाट देखी गैह्राको चौतारा सम्म आयोजना गरिएको संघका अध्यक्ष लक्ष्मण सुबेदीले जानकारी दिए । फेवाताल पोखराको मात्र नभई देशकै गहना भएको भन्दै उनले ताल र वरपरको वातावरण सफा राख्नु संघको पनि दायित्व भएको उनले बताए ।
सरसफाई कार्यक्रम सहभागी भई कार्यक्रमलाई सफल बनाउन सहयोग गर्ने होटल संघका पदाधिकारी एवम् कार्यसमिति सदस्य, पुर्व अध्यक्ष एवम् सल्लाहकार, होटल प्रतिनिधि समाज, होटल संचालक, व्यवस्थापक तथा कर्मचारी लगायत सहभागी सम्पूर्ण महानुभावलाई संघले धन्यवाद ज्ञापन गरेको छ ।
कार्यक्रमका अवसरमा दशैंको शुभकामना समेत आदानप्रदान गरिएको थियो ।
