काठमाडौं । रसुवामा आएको बाढीका कारण नेपाल प्रहरी र सशस्त्र प्रहरीका ४१ जना सुरक्षाकर्मी सम्पर्कविहीन भएका छन्।
नेपाल प्रहरीका ३२ जना र सशस्त्र प्रहरीका ९ जना सुरक्षाकर्मी सम्पर्कविहीन रहेको सम्बन्धित सुरक्षा निकायले जनाएको छ।
बाढीका कारण इलाका प्रहरी कार्यालय टिमुरे, स्याफ्रुवेशी प्रहरी चौकी, रसुवागढी र मैलुङ प्रहरी कार्यालयमा समेत क्षति पुगेको छ।
सशस्त्र प्रहरीका अनुसार बीओपी टिमुरेमा कार्यरत ९ जना सुरक्षाकर्मी बाढीपछि अहिलेसम्म सम्पर्कमा आएका छैनन्।
सम्पर्कविहीन सुरक्षाकर्मीको खोजी तथा उद्धारका लागि सुरक्षा निकायले टोली परिचालन गरेको छ।
