पोखरा । पोखरामा आगामी पुस १३ गते (डिसेम्बर २८, २०२४) सातौं “टुर दि पोखरा” साइकल र्याली आयोजना हुने भएको छ। “स्वास्थ्य, वातावरण र पर्यटनका लागि साइकल” भन्ने नाराका साथ हुने यस र्याली पोखरा सिटी हलबाट सुरु भएर २४.५ किलोमिटरको यात्रा तय गर्नेछ।
साइकल सिटी पोखराले विगतमा विभिन्न साइकल र्याली र गतिविधिहरू आयोजना गर्दै आएको छ, जसले पर्यावरण संरक्षण र स्वास्थ्यका लागि साइकलको उपयोगलाई बढावा दिएको छ। यस र्यालीमा पोखराका प्रमुख स्थानहरू हुँदै यात्रा गरिने छ, र सहभागीहरूले पोखरा शहरको विविध स्थलहरूको अवलोकन गर्ने अवसर पाउनेछन्।
साइकल र्यालीको मार्ग पृथ्वी चोक, बसपार्क, बुद्धचोक, अमरसिंह चोक, महेन्द्रपुल, रानीपौवा, रानीवन, बिन्ध्यवासिनी, भैरवटोल, नालामुख चोक हुँदै पुनः सिटी हलमा समापन हुनेछ। यस र्यालीमा सहभागी हुने सबैलाई स्वागत गरिएको छ र उनीहरूको सहयोगको अपेक्षा गरिएको छ।
यस र्यालीको मुख्य उद्देश्य स्वस्थ जीवनशैलीको प्रवर्द्धन, वातावरणीय सचेतना र पोखरा पर्यटनको प्रवृद्धि हो।
