काठमाडौं, २२ चैत । नेपाल कम्युनिष्ट पार्टी नेकपाका प्रवक्ता एवंम सचिवालय सदस्य नारायणकाजी श्रेष्ठले पार्टीको सचिवालय बैठक बोलाउन माग गरेका छन् ।
सामाजिक संजाल ट्वीटर मार्फत जानकारी गराउँदै श्रेष्ठले आवश्यक भएको बेलामा मन्त्रिपरिषद र उच्चस्तरीय समन्वय समितिको बैठक बसेकाले पार्टी सचिवालय बैठक पनि बोलाउनुपर्ने माग गरेको बताएका छन् ।
उनले ट्वीटरमा लेखेका छन्, ‘हो,मैले पार्टी सचिवालयको बैठक बस्न माग गरेको छु।दुवै अध्यक्ष कमरेडहरुलाई अनुरोध गरेकोछु। आवश्यकता पर्दा मन्त्रीपरिषद र उच्चस्तरीय समन्वय समितिको बैठक बसेको छ,’ उनले ट्विटरमा लेखेका छन्। ‘आजको सदर्भमा स्वास्थ्य प्रोटोकलको पालना गर्दै सचिवालयको बैठक पनि बस्न सक्छ। त्यसैले शिघ्र बैठक बस्ने बिश्वास छ,बस्नै पर्छ।’
