पोखरामा भूकम्पको धक्का महसुस

पाेखरा । कास्की जिल्लाको सैमारंग (मकैखोला) लाई केन्द्रबिन्दु बनाएर मंगलबार बिहान भूकम्प गएको छ। राष्ट्रिय भूकम्प मापन केन्द्रका अनुसार मंगलबार  बिहान ४:११ बजे ४.३ म्याग्निच्युटको भूकम्प गएको पुष्टि भएको छ।

भूकम्पको धक्का पोखरा र कास्की आसपासका जिल्लाहरूमा महसुस गरिएको छ। स्थानीयवासीका अनुसार भूकम्पको कम्पन केही सेकेन्डसम्म कायम रहेको थियो।

हालसम्म कुनै मानविय वा भौतिक क्षतिको विवरण प्राप्त नभएको प्रहरीले जनाएको छ। विस्तृत विवरण आउन बाँकी छ।