प्रधानसेनापतिसँग जेनजी प्रतिनिधिको प्रस्ताव : सुशीला कार्कीको नेतृत्वमा सरकार बनाऔं

काठमाडौं। जंगीअड्डामा सम्पन्न जेनजी प्रतिनिधिहरूसँगको बैठकमा पूर्वप्रधानन्यायाधीश सुशीला कार्कीको नेतृत्वमा नागरिक सरकार गठन गर्न प्रस्ताव गरिएको छ।

उक्त प्रस्ताव नेपाली सेनाका प्रमुख अशोकराज सिग्देललाई बुझाइएको एक उच्च सैनिक अधिकृतले जानकारी दिए। उनका अनुसार, “उहाँहरूले सम्माननीयज्यू (सुशीला कार्की) को नाम अघि सारेका छन्, तर अझै अर्को समूहसँग समेत छलफल भइरहेको छ।”

सेनाले यसबारेमा पूर्वप्रधानन्यायाधीश कार्कीसँग पनि प्रत्यक्ष संवाद गर्ने तयारी गरेको जनाएको छ।