झापा । झापा निर्वाचन क्षेत्र नम्बर ५ बाट राष्ट्रिय स्वतन्त्र पार्टी (रास्वपा) का वरिष्ठ नेता बालेन शाह निर्वाचित भएका छन्।
अन्तिम मतपरिणाम अनुसार शाहले ६८ हजार ३४८ मत प्राप्त गर्दै विजयी भएका हुन्। उनका निकटतम प्रतिद्वन्द्वी नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले भने १८ हजार ७२४ मत प्राप्त गरे। दुवै उम्मेदवारबीच ४९ हजार ६२४ मतको फराकिलो अन्तर देखिएको छ।
यस वर्षको निर्वाचनमा झापा–५ देशभरकै सबैभन्दा चर्चित क्षेत्र बनेको थियो। काठमाडौं महानगरपालिकाका पूर्वमेयर समेत रहेका बालेन शाहले उम्मेदवारी दिएपछि एमाले अध्यक्ष ओलीसँग हुने प्रतिस्पर्धालाई लिएर राजनीतिक वृत्तमा निकै चासो बढेको थियो।
