काठमाडौं । बिहीबार एकैदिन सुनको मूल्यमा उल्लेख्य गिरावट आएको छ। नेपाल सुनचाँदी व्यवसायी महासंघ ले यस दिनका लागि सुनको भाउ प्रतितोला ३ लाख २ हजार ३ सय रुपैयाँ निर्धारण गरेको जनाएको छ।
अघिल्लो दिन प्रतितोला ३ लाख ७ हजार ७ सय रुपैयाँमा कारोबार भएको सुनको मूल्य एकैदिन ५ हजार ४ सय रुपैयाँले घटेको हो।
पछिल्ला केही सातादेखि सुनको भाउ क्रमशः घट्दै आएको छ। यसअघि गत माघ १५ गते सुनको मूल्य हालसम्मकै उच्च प्रतितोला ३ लाख ३९ हजार ३ सय रुपैयाँ पुगेको थियो।
त्यस्तै चाँदीको मूल्य पनि घटेको छ। अघिल्लो दिन प्रतितोला ५ हजार १५० रुपैयाँ रहेको चाँदी बिहीबार १४० रुपैयाँले घटेर ५ हजार १० रुपैयाँ कायम भएको छ। चाँदीले पनि माघ १५ गते नै हालसम्मकै उच्च ७ हजार ५०५ रुपैयाँको रेकर्ड बनाएको हाे ।
