काठमाडौं । नेकपा एमालेले आज देशभरका जिल्ला प्रशासन कार्यालयमा विरोधपत्र बुझाउँदै प्रदर्शन कार्यक्रम सञ्चालन गर्दैछ।
केपी शर्मा ओली पक्राउको विरोधमा मध्याह्न १२ बजे प्रदर्शनसहित प्रमुख जिल्ला अधिकारीलाई विरोधपत्र बुझाउने कार्यक्रम तय गरिएको पार्टीले जनाएको छ।
पार्टी सचिव महेश बस्नेत का अनुसार, पक्राउ ‘गैरकानुनी र पूर्वाग्रही’ भएको भन्दै तत्काल रिहाइको माग गरिएको छ।
यसअघि रमेश लेखक सहितको गिरफ्तारीको विरोधमा शनिबार काठमाडौंको माइतीघर–बिजुलीबजार क्षेत्रमा तनावपूर्ण अवस्था सिर्जना भएको थियो।
एमालेले यस विषयमा राजनीतिक र कानुनी रूपमा प्रतिवाद गर्ने जनाएको छ।
