काठमाडौं । प्रतिनिधिसभाका सभामुख डोलप्रसाद अर्यालले जातीय भेदभाव तथा छुवाछूत उन्मूलनका लागि संघीय संसद् पूर्ण रूपमा प्रतिबद्ध रहेको बताएका छन्।
जातीय भेदभाव तथा छुवाछूत उन्मूलन राष्ट्रिय दिवसका अवसरमा आयोजित कार्यक्रममा उनले दलित समुदायले भोग्दै आएका समस्या, पीडा र चुनौतीप्रति संसद् सचेत रहेको उल्लेख गर्दै सम्मान, सुरक्षा, समान अवसर र न्याय सुनिश्चित गर्न संसद्ले गम्भीरतापूर्वक काम गर्ने बताए।
उनले जातीय विभेदको अन्त्य सरकार वा कुनै एक निकायको मात्र नभई राज्य, राजनीतिक दल, नागरिक समाज, सञ्चार क्षेत्र र सम्पूर्ण समाजको साझा दायित्व भएको उल्लेख गर्दै सामाजिक चेतना, कानुनी कार्यान्वयन र आर्थिक सशक्तीकरणलाई प्राथमिकता दिनुपर्नेमा जोड दिए।
