काठमाडौं । भोटेकोशी नदीमा आएको बाढीपछि ६४४ जना पर्यटक सम्पर्कविहीन भएका छन् । नेपाल पर्यटन बोर्डले सार्वजनिक गरेको पछिल्लो विवरणअनुसार विभिन्न देशका पर्यटक सम्पर्कविहीन भएका हुन् ।
बोर्डका अनुसार सम्पर्कविहीन हुनेमा सबैभन्दा धेरै भारतीय पर्यटक १७८ जना छन् । यस्तै, १२७ नेपाली, ६५ अमेरिकी र ५३ युक्रेनी पर्यटक सम्पर्कविहीन रहेको तथ्यांक छ ।
त्यसैगरी मलेसियाका ५१, अष्ट्रेलियाका ३५, बेलायतका ३३ र क्यानडाका २५ जना पर्यटक सम्पर्कविहीन छन् ।
बोर्डका अनुसार सिंगापुरका ९, रुसका ८, जर्मनीका ८ तथा लात्भिया र दक्षिण अफ्रिकाका ६/६ जना पर्यटक पनि सम्पर्कविहीन रहेका छन् ।
नेपाल पर्यटन बोर्डले ट्राभल एजेन्सी तथा सम्बन्धित कम्पनीहरूबाट प्राप्त विवरणका आधारमा पर्यटकहरूको तथ्यांक संकलन गरेको जनाएको छ । बाढी प्रभावित क्षेत्रमा पर्यटकको अवस्था यकिन गर्न खोज तथा उद्धार कार्यसमेत जारी रहेको छ ।
