पोखरा । धौलागिरी बचत तथा ऋण सहकारी संस्थाको
अध्यक्षमा देवीजंग गुरुङ चयन भएका छन् । संस्थाकाे शनिबार सम्पन्न २१ औँ साधारणसभा र छैठौं अधिवेशन गुरुङकाे अध्यक्षतामा नयाँ कार्यसमिति चयन गरेकाे हाे ।
संस्थाकाे उपाध्यक्ष खड्गबहादुर थापा,सचिवमा खुसीमान गुरुङ,कोषाध्यक्षमा डम्बर जंग गुरुङ र सदस्यमा खुसीमाया गुरुङ, कल्पना थापा क्षेत्री,पदममाया गुरुङ, पुजन राजभण्डारी शाक्य, नरबहादुर गुरुङ र लेखा संयोजकमा सनकमान सिके सर्वसम्मत चयन भएका छन् ।
यसअघि पोखरामा सम्पन्न सभाको उद्घाटन गर्दै प्रमुख अतिथि सराङ्कोट बहुउद्देश्यीय सहकारीका अध्यक्ष कृष्ण थापाले सहकारीले सहकारी र व्यक्ति दुबैले बचतमा जोड दिनुपर्ने बताए ।
उनले सहकारी अघि बढाउन धौलागिरी र सराङ्कोट सहकारी सहकार्यमा चल्ने भनाई राखे ।
यस्तै संस्थाका निवर्तमान अध्यक्ष टाेक गुरुङले आफू सधैं सहकारीकोलागि साथमा रहेको बताए । गुरुङले आफू भोलिका दिनमा पनि सहकारी सहकार्यमा हुने भनाइ राखे ।
कार्यक्रममा संस्थापक अध्यक्ष थमप्रसाद शेरचन, पूर्व अध्यक्ष चन्द्राकुमारी गुरुङ, निर्वाचन संयोजक, तथा कानुनी सल्लाहकार दामोदर अधिकारी , उपाध्यक्ष देबी जङ गुरुङ, सचिव थिर बहादुर थापा, कोषाध्यक्ष बसन्त भटचन,शिक्षा संयोजक कल्पना थापा क्षत्री , सदस्य पुजन शाक्य , सनकमान सिके लगायतले बाेलेका थिए ।
कार्यक्रममा उत्कृष्ठ ब्यवस्थापन तर्फ ब्यवस्थापक कुशल कार्की र रुपा गुरुङ्ग,जेष्ठ सदस्यहरु समनसिङ गुरुङ,गमवहादुर गुरुङ,गणेश गुरुङ, उत्कृष्ट बचत कारोवारी, शेयर सदस्य तथा एसईई उत्तिर्ण विद्यार्थीहरुलाइ सम्मान गरिएको थियो ।
