काठमाडौं । अघिल्लो दिन प्रतितोला ४ हजार ८ सय रुपैयाँले बढेको सुनको मूल्य सोमबार २ सय रुपैयाँले घटेको छ।
नेपाल सुनचाँदी व्यवसायी महासंघका अनुसार सोमबार सुनको मूल्य प्रतितोला ३ लाख १ हजार ५ सय रुपैयाँ कायम भएको छ। आइतबार सुन प्रतितोला ३ लाख १ हजार ७ सय रुपैयाँमा कारोबार भएको थियो।
पछिल्लो पाँच कारोबार दिनमा भने सुनको मूल्य प्रतितोला १७ हजार ७ सय रुपैयाँले बढेको छ। गत मंगलबार सुनको मूल्य प्रतितोला २ लाख ८३ हजार ८ सय रुपैयाँ थियो।
यता, चाँदीको मूल्य भने प्रतितोला २५ रुपैयाँले बढेको छ। आइतबार ४ हजार ६ सय ४५ रुपैयाँमा कारोबार भएको चाँदीको मूल्य सोमबार बढेर ४ हजार ६ सय ७० रुपैयाँ कायम भएको महासंघले जनाएको छ।
