पोखरामा मंसिरको पहिलो साता ४० प्लस ६ ए साइड फुटसल प्रतियोगिता हुने

पोखरा । मंसिरको पहिलो साता पोखरामा पहिलोपटक 40 प्लस 6 ए साइड भेट्रान्स कप फुटसल प्रतियोगिता हुने भएको छ। चालिस वर्ष उमेर पुगेका खेलाडीलाई लक्षित गर्दै आगामी मंसिर ७ र ८ गते पोखराको रानीपौवा स्पोर्टस सेन्टरमा प्रतियोगिता आयोजना गरिनेछ।

प्रतियोगितामा सहभागी टोलीलाई आकर्षक पुरस्कार प्रदान गरिनेछ। पहिलो स्थान हासिल गर्ने टोलीले नगद ५० हजार, ट्रफी र मेडल प्राप्त गर्ने छन् भने दोस्रो हुने टोलीलाई नगद २५ हजार, ट्रफी र मेडल प्रदान गरिने आयोजक शिव भट्टराइले जानकारी दिए। साथै, उत्कृष्ट खेलाडीलाई नगद १५ सय र ट्रफी, र बेस्ट कीपरलाई नगद १ हजार र ट्रफी पुरस्कार स्वरूप दिइनेछ।

प्रतियोगितामा सहभागिता जनाउनको लागि टोली दर्ता शुल्क ५ हजार ५ सय तोकिएको छ। टीम दर्ता मंसिर ५ गतेको साँझ ५ बजे सम्म गर्न सकिनेछ।